John AneurinJONESDymuna Annie, Margaret a Robat, a'r teulu, ddatgan eu gwerthfawrogiad diffuant am bob arwydd o gydymdeimlad a charedigrwydd a dderbyniwyd gannddynt yn eu profedigaeth o golli gwr, tad, tad-yng-nghyfraith, taid a brawd annwyl. Diolch am y geiriau caredig trwy lythyrau a chardiau, yr ymweliadau a'r galwadau ffon. Diolch i bawb am eu presenoldeb a'u cymorth ar ddydd yr angladd, ac i'r Parchedigion Geraint Roberts, Iwan Llewelyn Jones, a Dewi Morris, am eu gwasanaeth arbennig o gofio a diolch am fywyd John. Hefyd i Mr. Malcolm Griffiths, yr Ymgymerwr, am ei drefniadau trylwyr a meddylgar. Diolch i'r Organyddes Delyth Roberts, ac i Tabi Hughes a Cath Williams am roi a threfnu'r blodau yn y Capel, ac i Swyddogion Capel y Groes am eu cydweithrediad. Carem hefyd nodi ein gwerthfawrogiad o gyfeillgarwch a chefnogaeth pawb fu'n driw i John ar hyd y blynyddoedd, ac am gynhesrwydd y cymdogion a'r gymdogaeth. Mawr ddiolch i'r Meddygon Elwyn Parry a David Blackwell am eu gofal arbennig o John, ac am y rhoddion hael o dros £2,000 a dderbyniwyd er cof amdano, tuag at Feddygfa Corwen House, Penygroes a Chlefyd Parkinsons, Ysbyty Eryri, lle y cafodd bob help a gofal tyner. Hefyd ein diolch i Staff Gofal Dydd Maesincla, Gofalwyr Plas Pengwaith, Llanberis, y Parafeddygon a Chriw Yr Ambiwlans Awyr.
Keep me informed of updates
